Ҳужумчи Пауло Дибала "Интер"га ўтишга жуда яқин турибди. Туриннинг “Ювентус” клуби билан шартномаси ёзда ниҳоясига етадиган аргентиналик футболчи тез орада “нерадзурри” билан яна бир йилга узайтириш имконияти билан уч йиллик шартнома имзолаши керак. Бу ҳақда ижтимоий тармоқларда журналист Николо Скира хабар берди.
Шу тариқа, 28 ёшли аргентиналик “Интер”нинг жорий мавсумдаги илк трансфери бўлади. Дибалада фаолиятини Премьер-лигада давом эттириш учун бир нечта вариант бор эди, аммо футболчи А Серияда қолишга қарор қилди.
Эслатиб ўтамиз, Дибала "Ювентус" тарихидаги энг яхши тўпурарлар 10талигига киради. Аргентиналик футболчи раҳбарият билан янги маош борасида келишмовчиликлар туфайли “кекса синьора” билан шартномани узайтирмади.
