“Vilyarreal” himoyachisi Pau Torres faoliyatini “Manchester Yunayted”da davom ettirishi mumkin.
"Manchester Yunayted"ning yangi bosh murabbiyi Erik ten Xag o‘z jamoasiga Torresni qo‘shib olishni istamoqda, deb xabar beradi Marca. Markaziy himoyachi gollandiyalik mutaxassis tarkibiga to‘liq mos kelishi kerak deb hisoblanmoqda.
Manbaga ko‘ra, "qizil iblislar" "Vilyarreal"ning ispaniyalik futbolchisi uchun taxminan 50 million yevro to‘lashga tayyor.
Yakunlangan 2021/22 yilgi mavsumda Pau Torres barcha musobaqalarda 47 ta o‘yinda maydonga tushib, 6 ta gol va bitta golli uzatmani amalga oshirdi. Futbolchining klub bilan shartnomasi 2024 yilgacha mo‘ljallangan.