"Manchester Yunayted" yarim himoyachisi Pol Pogbani "Yuventus"ga qaytarish bo‘yicha muzokaralar davom etmoqda. Bu haqda Tuttosport nashri xabar bermoqda.

Manbaga ko‘ra, fransuz futbolchisi o‘zini eng yaxshi tomonlarini ko‘rsata oladigan klub izlamoqda va aynan "Yuventus" o‘ziga kerak bo‘lgan jamoa ekanligiga ishonmoqda.

Shuningdek, 29 yoshli yarim himoyachining transferini bosh murabbiy Massimiliano Allegri ham xohlamoqda.

Qayd etilishicha, hafta oxirigacha Pavel Nedved va Maurisio Arrivabene Pogba vakili bilan uchrashib, kelishuv shartlarini aniqlaydi. Futbolchi 7,5 million yevro maosh va bonuslar olishi kutilmoqda.

2021/2022 yilgi mavsumda Pol Pogba “Manchester Yunayted” safida barcha musobaqalarda 27 ta o‘yinda maydonga tushib, 1 ta gol urdi va 9 ta golli uzatmani amalga oshirdi.