"Манчестер Юнайтед" ярим ҳимоячиси Поль Погбани "Ювентус"га қайтариш бўйича музокаралар давом этмоқда. Бу ҳақда Tuttosport нашри хабар бермоқда.

Манбага кўра, француз футболчиси ўзини энг яхши томонларини кўрсата оладиган клуб изламоқда ва айнан "Ювентус" ўзига керак бўлган жамоа эканлигига ишонмоқда.

Шунингдек, 29 ёшли ярим ҳимоячининг трансферини бош мураббий Массимилиано Аллегри ҳам хоҳламоқда.

Қайд этилишича, ҳафта охиригача Павел Недвед ва Маурицио Арривабене Погба вакили билан учрашиб, келишув шартларини аниқлайди. Футболчи 7,5 миллион евро маош ва бонуслар олиши кутилмоқда.

2021/2022 йилги мавсумда Пол Погба “Манчестер Юнайтед” сафида барча мусобақаларда 27 та ўйинда майдонга тушиб, 1 та гол урди ва 9 та голли узатмани амалга оширди.