"Feyenoord" bosh murabbiyi Arne Slot Konferensiyalar ligasi finalida "Roma"ga (0:1) qarshi o‘yindan so‘ng matbuot anjumanida fikr bildirdi.

"O‘yinning dastlabki 15 daqiqasi o‘tayotganini ko‘rish har doim qiziq. O‘sha daqiqalarda biz uchrashuvni yaxshi nazorat qildik. Ammo bo‘lim 45 daqiqa davom etadi. Bizning muammolarimiz futbolchilarning to‘p bilan birga bo‘lganida ham, to‘psiz bo‘lganda ham qaror qabul qilishida edi.

Tanaffus paytida futbolchilarga nima qo‘shish kerakligini aytdim. Ikkinchi bo‘limda biz dastlabki daqiqalardan juda keskin o‘ynadik, ammo bunday uchrashuvlarda omad ham kerak - bu bizga kulib boqmadi. Bizda gol urish uchun vaqt va imkoniyatlar bo‘ldi, ammo uddasidan chiqa olmadik. Ehtimol, bu raqibning xizmatidir.

Finalda sizga o‘nta imkoniyat qolmaydi. Sizda bir nechta imkoniyatlar mavjud. Italiya klubi bilan finalda golli vaziyatlar yaratish qiyin. Agar bu Mourinyo jamoasi bo‘lsa, bundan ham qiyinroq», - dedi Slot UYEFA rasmiy saytiga.