"Chelsi" hujumchisi Romelu Lukaku yozgi transfer oynasida "Tottenxem"ga o‘tmaydi. Bu haqda Calciomercato nashri xabar tarqatdi.
Manbaga ko‘ra, Lukaku "Chelsi"dan ketish yo‘llarini izlamoqda. Ammo u Angliyada qolmoqchi emas. Hozirda unga faol qiziqish bildirayotgan "Inter" forvard bilan shartnoma imzolashda asosiy da’vogar bo‘lib turibdi.
2026 yilgacha "aristokratlar" bilan shartnomasi bo‘lgan Romeluning taxminiy transfer narxi 85 million yevroga baholangan. U 2021 yilning yozida 113 million yevro evaziga "Inter"dan sotib olingan.