"Manchester Yunayted"ning sobiq hujumchisi Edinson Kavani Ispaniya bozorida katta talabga ega, deb yozmoqda jurnalist Ekrem Konur.
Manba bergan xabarga ko‘ra, urugvaylik forvard xizmatlariga "Atletiko", "Sevilya", "Vilyarreal" va "Real Sosyedad" klublari qiziqish bildirmoqda.
Shu bilan birga, hujumchining agenti Edinson Kavani kelasi mavsumda Janubiy Amerikada o‘ynashini ham inkor etmadi.
Hujumchi joriy mavsumda “MYU” safida barcha turnirlar doirasida 19 ta o‘yinda maydonga tushib, 2 ta gol urdi va bitta golli uzatmani amalga oshirdi.