"Yuventus" "Ayntraxt" yarim himoyachisi Filip Kostichga qiziqish bildirmoqda, deya xabar beradi Footmercato.

Manbaga ko‘ra, Turin klubi 29 yoshli serbning transferi uchun 15 million yevro sarflashga tayyor. Nemis klubi rahbariyati ham aynan shuncha mablag‘ so‘rayapti. Muzokaralarda Kostichning hamyurti, hujumchi Dushan Vlaxovich ham ishtirok etishi mumkin.

Futbolchining shartnomasi 2023 yilning iyunida yakuniga yetadi.

2021/22 yilgi mavsumda u Frankfurtning “Ayntraxt” jamoasi safida 43 ta o‘yinda maydonga tushib, 7 ta gol urdi va 15 ta golli uzatmani amalga oshirdi.