"Ювентус" "Айнтрахт" ярим ҳимоячиси Филип Костичга қизиқиш билдирмоқда, дея хабар беради Footmercato.
Манбага кўра, Турин клуби 29 ёшли сербнинг трансфери учун 15 миллион евро сарфлашга тайёр. Немис клуби раҳбарияти ҳам айнан шунча маблағ сўраяпти. Музокараларда Костичнинг ҳамюрти, ҳужумчи Душан Влахович ҳам иштирок этиши мумкин.
Футболчининг шартномаси 2023 йилнинг июнида якунига етади.
2021/22 йилги мавсумда у Франкфуртнинг “Айнтрахт” жамоаси сафида 43 та ўйинда майдонга тушиб, 7 та гол урди ва 15 та голли узатмани амалга оширди.
