"Udineze" himoyachisi Naxuel Molina boshqa jamoaga o‘tishi mumkin, deya xabar beradi Fichajes.
Manbaga ko‘ra, 24 yoshli argentinalik futbolchiga "Yuventus" da’vogarlik qilmoqda. Turin klubi futbolchi uchun 25-30 million yevro to‘lashi kerak bo‘ladi. Avvalroq Molinaga "Atletiko" qiziqayotgani haqida xabarlar tarqalgan edi.
Molina o‘tgan mavsumda barcha turnirlarda 37 o‘yinda maydonga tushib, 8 gol va 5 golli uzatmaga mualliflik qilgan. Transfermarkt portali futbolchining narxini 10 million yevroga baholamoqda.
