Jennaro Gattuzo tez orada "Valensiya"ning yangi bosh murabbiyiga aylanadi. Marca xabariga ko‘ra, tayinlov shu hafta rasman e’lon qilinishi kerak.
Gattuzoning "Valensiya" bilan shartnomasi ikki yilga mo‘ljallangan bo‘ladi va uning maoshi mavsumiga 3 million yevroni tashkil qiladi.
Gattuzo o‘tgan yozda "Fiorentina" bilan shartnoma imzolagan, biroq rahbariyat bilan transfer strategiyasi borasida kelishmovchiliklar tufayli klubda bor-yo‘g‘i ikki hafta faoliyat olib borgan.
"Valensiya" rasmiy saytida 3 iyun kuni Xose Bordalas jamoa bosh murabbiyligidan ketgani e’lon qilindi.
