Женнаро Гаттузо тез орада "Валенсия"нинг янги бош мураббийига айланади. Marca хабарига кўра, тайинлов шу ҳафта расман эълон қилиниши керак.
Гаттузонинг "Валенсия" билан шартномаси икки йилга мўлжалланган бўлади ва унинг маоши мавсумига 3 миллион еврони ташкил қилади.
Гаттузо ўтган ёзда "Фиорентина" билан шартнома имзолаган, бироқ раҳбарият билан трансфер стратегияси борасида келишмовчиликлар туфайли клубда бор-йўғи икки ҳафта фаолият олиб борган.
"Валенсия" расмий сайтида 3 июнь куни Хосе Бордалас жамоа бош мураббийлигидан кетгани эълон қилинди.
