"Yuventus" "Atletiko" bilan hujumchi Alvaro Moratani Moyze Kinga almashtirish borasida muzokaralar olib bormoqda.
Jurnalist Janluka Di Marsioning yozishicha, yaqin orada Madrid klubi rahbariyati bu g‘oyani "matraschilar" bosh murabbiyi Diyego Simeonega bildiradi.
29 yoshli Morata joriy mavsum Italiya chempionatida 35 ta o‘yinda maydonga tushib, 9 ta gol urdi va 7 ta golli uzatmani amalga oshirdi.
"Yuventus" hujumchini 2020 yilda ikki mavsumga 20 million yevro evaziga ijaraga olgandi. Uning "Atletiko" bilan shartnomasi 2023 yilning iyunida yakuniga yetadi.
22 yoshli Kin joriy mavsum A Seriyada 32 ta o‘yinda maydonga tushib, 5 ta gol urdi va 3 ta golga assistentlik qildi.