"Ювентус" "Атлетико" билан ҳужумчи Альваро Моратани Мойзе Кинга алмаштириш борасида музокаралар олиб бормоқда.
Журналист Жанлука Ди Марционинг ёзишича, яқин орада Мадрид клуби раҳбарияти бу ғояни "матрасчилар" бош мураббийи Диего Симеонега билдиради.
29 ёшли Мората жорий мавсум Италия чемпионатида 35 та ўйинда майдонга тушиб, 9 та гол урди ва 7 та голли узатмани амалга оширди.
"Ювентус" ҳужумчини 2020 йилда икки мавсумга 20 миллион евро эвазига ижарага олганди. Унинг "Атлетико" билан шартномаси 2023 йилнинг июнида якунига етади.
22 ёшли Кин жорий мавсум А Серияда 32 та ўйинда майдонга тушиб, 5 та гол урди ва 3 та голга ассистентлик қилди.
