Londonning “Chelsi” klubi "Yuventus"ning niderlandiyalik himoyachisi Matteys de Ligt uchun kurashga kirishdi, deb xabar beradi The Telegraph.
Manbaning xabariga ko‘ra, ingliz klubining yangi rahbariyati futbolchini xarid qilish uchun kerakli miqdordagi summani ajratishga tayyor. Biroq transfer bo‘yicha qarorni shaxsan "aristokratlar" bosh murabbiyi Tomas Tuxel qabul qiladi. Avvalroq, futbolchiga "Manchester Yunayted" faol qiziqish bildirayotgani xabar qilingandi.
22 yoshli De Ligt o‘tgan mavsumda "Yuventus" safida barcha turnirlarda 42 o‘yinda maydonga tushib, 3 ta gol urdi va bitta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.