Лондоннинг “Челси” клуби "Ювентус"нинг нидерландиялик ҳимоячиси Маттейс де Лигт учун курашга киришди, деб хабар беради The Telegraph.
Манбанинг хабарига кўра, инглиз клубининг янги раҳбарияти футболчини харид қилиш учун керакли миқдордаги суммани ажратишга тайёр. Бироқ трансфер бўйича қарорни шахсан "аристократлар" бош мураббийи Томас Тухель қабул қилади. Аввалроқ, футболчига "Манчестер Юнайтед" фаол қизиқиш билдираётгани хабар қилинганди.
22 ёшли Де Лигт ўтган мавсумда "Ювентус" сафида барча турнирларда 42 ўйинда майдонга тушиб, 3 та гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.