"Manchester Yunayted" "Liverpul" qiziqish bildirayotgan "Benfika" hujumchisi Darvin Nunyesni sotib olmoqchi.
Portugaliyalik jurnalist Pedro Sepulveda, futbolchining agenti Jorje Mendesh "Manchester Yunayted"ning yangi bosh murabbiyi Erik ten Xag bilan uchrashganini yozdi.
Qayd etilishicha, “Benfika” hujumchisining kelajagi yaqin soatlarda aniqlanishi mumkin.
22 yoshli urugvaylik futbolchining o‘zi Chempionlar ligasida o‘ynashni istamoqda. Avvalroq, 'Liverpul" u bilan shartnoma borasida kelishib olgani ma’lum bo‘lgandi.
"Benfika" futbolchi uchun jami 100 million yevro talab qilmoqda.
22 yoshli forvard o‘tgan mavsumda Portugaliyada 28 ta o‘yinda maydonga tushib, 26 ta gol urdi va 4 ta golli uzatmani amalga oshirdi.