"Манчестер Юнайтед" "Ливерпуль" қизиқиш билдираётган "Бенфика" ҳужумчиси Дарвин Нуньесни сотиб олмоқчи.

Португалиялик журналист Педро Сепулведа, футболчининг агенти Жорже Мендеш "Манчестер Юнайтед"нинг янги бош мураббийи Эрик тен Хаг билан учрашганини ёзди.

Қайд этилишича, “Бенфика” ҳужумчисининг келажаги яқин соатларда аниқланиши мумкин.

22 ёшли уругвайлик футболчининг ўзи Чемпионлар лигасида ўйнашни истамоқда. Аввалроқ, 'Ливерпуль" у билан шартнома борасида келишиб олгани маълум бўлганди.

"Бенфика" футболчи учун жами 100 миллион евро талаб қилмоқда.

22 ёшли форвард ўтган мавсумда Португалияда 28 та ўйинда майдонга тушиб, 26 та гол урди ва 4 та голли узатмани амалга оширди.