"Yuventus" "Roma" qanot hujumchisi Nikolo Dzanyoloni o‘z safiga qo‘shib olishga harakat qilishda davom etmoqda, deya xabar beradi jurnalist Nikolo Skira.
"Keksa senyora" rahbariyati 22 yoshli futbolchining agenti bilan 3 ta uchrashuv o‘tkazdi. Italiyalik futbolchiga "Milan" ham qiziqish bildirmoqda, ammo aynan "Yuventus" Dzanyolo uchun birinchi raqamli da’vogar sanaladi.
Taxminlarga ko‘ra, italiyalikning transferi "bo‘rilar"ga 55 million yevroga yaqin daromad keltirishi mumkin.
Nikolo o‘tgan mavsumda "Roma" safida barcha turnirlarda 42 o‘yinda 8 gol urdi va 9 golga assistentlik qildi. Uning Rim klubi bilan shartnomasi 2024 yilning 30 iyuniga qadar tuzilgan.