Mundo Deportivo xabariga ko‘ra, Amsterdamning "Ayaks" klubi "Atletiko Madrid"ning urugvaylik hujumchisi Luis Suaresga qiziqish bildirmoqda.

Manbaning xabariga ko‘ra, Niderlandiya klubi futbolchini yozgi transfer oynasida, "matraschilar" bilan shartnomasi tugaydigan paytda o‘z safiga qo‘shib olmoqchi. Hujumchiga "Galatasaroy", "Atalanta", "Fiorentina" va "Aston Villa" klublari ham qiziqish bildirmoqda.

35 yoshli Suares o‘tgan mavsumda "Atletiko" safida barcha turnirlar doirasida 45 ta o‘yinda maydonga tushib, 13 ta gol urdi va 3 ta golga assistentlik qildi.