Madridning “Atletiko” klubi Doneskning “Shaxtyor” klubining braziliyalik yarim himoyachisi Pedrinyoga qiziqish bildirmoqda, deya xabar beradi Transfers24xr.
Manbaning xabariga ko‘ra, ispan klubi yozgi transfer oynasida futbolchini sotib olmoqchi. Ukrainaliklar yarim himoyachini kattaroq summaga sotishga rozi bo‘lishlari mumkin. Futbolchiga shuningdek, "Fenerbaxche", PSV, "Atletiko Mineyro" va "Al Ayn" klublari ham qiziqish bildirmoqda.
O‘tgan mavsumda 25 yoshli Pedrinyo “Shaxtyor” safida barcha turnirlar doirasida 19 ta o‘yinda maydonga tushib, 4 ta gol urdi va 3 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.
