"Bavariya" hujumchi Sadio Mane uchun "Liverpul"ga qancha mablag‘ to‘lashga tayyorligi ma’lum bo‘ldi.
Sky Sports Deutschland jurnalisti Florian Plettenbergning so‘zlariga ko‘ra, muzokaralar hali ham davom etmoqda, ammo yakunda tomonlar 30-40 million yevro va bonuslar bo‘yicha kelishib olishlari mumkin.
Oldinroq myunxenliklar senegallik hujumchi bilan shaxsiy shartnoma borasida deyarli kelishib olgani xabar qilingandi. Manening o‘zi ham Germaniya grandiga o‘tmoqchi.
30 yoshli Sadio o‘tgan mavsumda "Liverpul" safida 51 ta o‘yinda maydonga tushib, 23 ta gol urdi va 5 ta golga assistentlik qildi.