"Бавария" ҳужумчи Садио Мане учун "Ливерпуль"га қанча маблағ тўлашга тайёрлиги маълум бўлди.
Sky Sports Deutschland журналисти Флориан Плеттенбергнинг сўзларига кўра, музокаралар ҳали ҳам давом этмоқда, аммо якунда томонлар 30-40 миллион евро ва бонуслар бўйича келишиб олишлари мумкин.
Олдинроқ мюнхенликлар сенегаллик ҳужумчи билан шахсий шартнома борасида деярли келишиб олгани хабар қилинганди. Маненинг ўзи ҳам Германия грандига ўтмоқчи.
30 ёшли Садио ўтган мавсумда "Ливерпуль" сафида 51 та ўйинда майдонга тушиб, 23 та гол урди ва 5 та голга ассистентлик қилди.