"Chelsi" "Lasio" darvozaboni Tomas Strakoshani sotib olishi mumkin, deb yozadi jurnalist Fabrisio Romano.
Manbaga ko‘ra, agar darvozabon Kepa Arrisabalaga yozgi transfer oynasida klubni tark etsa, londonliklar 27 yoshli albaniyalik futbolchi bilan shartnoma imzolaydi.
Strakosha o‘tgan mavsumda "Lasio" tarkibida 31 o‘yinda maydonga tushib, 36 gol o‘tkazib yuborgan. Rim klubi bilan shartnoma 2022 yilning 30 iyuniga qadar amal qiladi.













