"Челси" "Лацио" дарвозабони Томас Стракошани сотиб олиши мумкин, деб ёзади журналист Фабрицио Романо.
Манбага кўра, агар дарвозабон Кепа Аррисабалага ёзги трансфер ойнасида клубни тарк этса, лондонликлар 27 ёшли албаниялик футболчи билан шартнома имзолайди.
Стракоша ўтган мавсумда "Лацио" таркибида 31 ўйинда майдонга тушиб, 36 гол ўтказиб юборган. Рим клуби билан шартнома 2022 йилнинг 30 июнига қадар амал қилади.













