"Tottenxem" bosh murabbiyi Antonio Konteni sotib olmoqchi bo‘lgan futbolchilar ro‘yxati ma’lum bo‘ldi.

The Times nashrining yozishicha, “shporlar” birinchi navbatda himoyachilar Pau Torres (“Vilyarreal”) va Jed Spens (“Middlesbro”), yarim himoyachilar Kristian Eriksen (“Brentford”) va Rafinya (“Lids”), shuningdek, hujumchi Risharlison (“Everton”) bilan shartnoma imzolamoqchi.

Shu bilan birga, Konte endi himoyachilar Serxio Regilon va Emerson Royal, yarim himoyachilar Tanguy Ndombele, Jovani Lo Chelso va Stiven Bergveynga ishonmaydi.

Oldinroq "Tottenxem" rahbariyati italiyalik mutaxassisga transferlar uchun 150 million funt sterlingga yaqin mablag‘ ajratishi xabar qilingandi.