"Тоттенхэм" бош мураббийи Антонио Контени сотиб олмоқчи бўлган футболчилар рўйхати маълум бўлди.

The Times нашрининг ёзишича, “шпорлар” биринчи навбатда ҳимоячилар Пау Торрес (“Вильярреал”) ва Жед Спенс (“Миддлесбро”), ярим ҳимоячилар Кристиан Эриксен (“Брентфорд”) ва Рафинья (“Лидс”), шунингдек, ҳужумчи Ришарлисон (“Эвертон”) билан шартнома имзоламоқчи.

Шу билан бирга, Конте энди ҳимоячилар Серхио Регилон ва Эмерсон Роял, ярим ҳимоячилар Тангуй Ндомбеле, Жовани Ло Чельсо ва Стивен Бергвейнга ишонмайди.

Олдинроқ "Тоттенхэм" раҳбарияти италиялик мутахассисга трансферлар учун 150 миллион фунт стерлингга яқин маблағ ажратиши хабар қилинганди.