“Benfika” hujumchisi Darvin Nunyes “Liverpul” bazasiga yetib keldi, deb xabar beradi Sky Sports.

22 yoshli urugvaylik futbolchi ingliz klubi bilan shartnoma imzolash maqsadida u yerga yetib borgan.

Kecha, 13 iyun kuni “Benfika” Nunyesni “Liverpul”ga 75 million yevroga sotganini e’lon qildi. Transfer summasi ma’lum shartlarda 100 million yevrogacha ko‘tarilishi mumkin.

2021/22 yilgi mavsumda Darvin “Benfika” safida 41 ta o‘yinda maydonga tushib, 34 ta gol urdi va 4 ta golli uzatmani amalga oshirdi. Hujumchi 2028 yilning yoziga qadar "Liverpul" bilan shartnoma imzolashi kutilmoqda.