“Бенфика” ҳужумчиси Дарвин Нуньес “Ливерпуль” базасига етиб келди, деб хабар беради Sky Sports.
22 ёшли уругвайлик футболчи инглиз клуби билан шартнома имзолаш мақсадида у ерга етиб борган.
Кеча, 13 июнь куни “Бенфика” Нуньесни “Ливерпуль”га 75 миллион еврога сотганини эълон қилди. Трансфер суммаси маълум шартларда 100 миллион еврогача кўтарилиши мумкин.
2021/22 йилги мавсумда Дарвин “Бенфика” сафида 41 та ўйинда майдонга тушиб, 34 та гол урди ва 4 та голли узатмани амалга оширди. Ҳужумчи 2028 йилнинг ёзига қадар "Ливерпуль" билан шартнома имзолаши кутилмоқда.