"Aston Villa" himoyachi Eshli Yang bilan shartnomani uzaytirish borasida muzokaralar olib bormoqda, deya xabar beradi jurnalist Fabrisio Romano.
Manbaga ko‘ra, tomonlar kelishuvga erishishga yaqin. Klub ham, 36 yoshli angliyalik ham hamkorlikni uzaytirmoqchi.
Katta ehtimol bilan futbolchining yangi shartnomasi 2022/23 yilgi mavsum oxirigacha amal qiladi.
Eshli Yang 2021 yilning iyulida "Aston Villa"ga qaytgandi. Bungacha u 2007 yilning yanvaridan 2011 yilning iyuligacha jamoada o‘ynagan.
2021/22 yilgi mavsumda Yang birmingemliklar tarkibida 25 o‘yinda 2 ta golli uzatmani amalga oshirdi.