"Астон Вилла" ҳимоячи Эшли Янг билан шартномани узайтириш борасида музокаралар олиб бормоқда, дея хабар беради журналист Фабрицио Романо.
Манбага кўра, томонлар келишувга эришишга яқин. Клуб ҳам, 36 ёшли англиялик ҳам ҳамкорликни узайтирмоқчи.
Катта эҳтимол билан футболчининг янги шартномаси 2022/23 йилги мавсум охиригача амал қилади.
Эшли Янг 2021 йилнинг июлида "Астон Вилла"га қайтганди. Бунгача у 2007 йилнинг январидан 2011 йилнинг июлигача жамоада ўйнаган.
2021/22 йилги мавсумда Янг бирмингемликлар таркибида 25 ўйинда 2 та голли узатмани амалга оширди.
