Independent xabariga ko‘ra, "Leypsig" hujumkor yarim himoyachi Kristofer Nkunku uchun 100 million yevro talab qilmoqda.
Manbaga ko‘ra, nemis klubi 24 yoshli fransuz uchun narx belgilagan va uni Germaniyadagi yana bir mavsum uning rivojlanishiga yordam berishiga ishontira olgan.
Qayd etilishicha, yarim himoyachining o‘zi “Leypsig”da qolishga tayyor.
Ayni vaqtda Nkunkuga "Arsenal", "Manchester Yunayted" va "PSJ" klublari qiziqish bildirmoqda.
Mankunianliklar transfer borasida jiddiyroq bo‘lishga tayyor, chunki ular "Benfika" hujumchisi Darvin Nunyesning transferi bo‘yicha kelishuvga erisha olmagan.
Nkunku o‘tgan mavsumda "Leypsig" tarkibida 50 o‘yinda 35 gol urdi va 19 golga assistentlik qildi. Yarim himoyachining nemis klubi bilan shartnomasi 2024 yilning 30 iyuniga qadar mo‘ljallangan.
