Independent хабарига кўра, "Лейпциг" ҳужумкор ярим ҳимоячи Кристофер Нкунку учун 100 миллион евро талаб қилмоқда.
Манбага кўра, немис клуби 24 ёшли француз учун нарх белгилаган ва уни Германиядаги яна бир мавсум унинг ривожланишига ёрдам беришига ишонтира олган.
Қайд этилишича, ярим ҳимоячининг ўзи “Лейпциг”да қолишга тайёр.
Айни вақтда Нкункуга "Арсенал", "Манчестер Юнайтед" ва "ПСЖ" клублари қизиқиш билдирмоқда.
Манкунианликлар трансфер борасида жиддийроқ бўлишга тайёр, чунки улар "Бенфика" ҳужумчиси Дарвин Нуньеснинг трансфери бўйича келишувга эриша олмаган.
Нкунку ўтган мавсумда "Лейпциг" таркибида 50 ўйинда 35 гол урди ва 19 голга ассистентлик қилди. Ярим ҳимоячининг немис клуби билан шартномаси 2024 йилнинг 30 июнига қадар мўлжалланган.