"Liverpul" o‘zining rasmiy sayti orqali "Benfika" hujumchisi Darvin Nunyes bilan shartnoma imzolaganini e’lon qildi.
U klub bilan “uzoq muddatli shartnoma” tuzdi. Futbolchi allaqachon ishlash uchun ruxsatnoma olgan va bu unga Premyer-ligada o‘ynash huquqini beradi.
13 iyun kuni “Benfika” Nunyesni “Liverpul”ga 75 million yevroga sotganini e’lon qildi. Transfer summasi ma’lum shartlarda 100 million yevrogacha ko‘tarilishi mumkin.
2021/22 yilgi mavsumda Darvin “Benfika” safida 41 ta o‘yinda maydonga tushib, 34 ta gol urdi va 4 ta golli uzatmani amalga oshirdi.
