"Ливерпуль" ўзининг расмий сайти орқали "Бенфика" ҳужумчиси Дарвин Нуньес билан шартнома имзолаганини эълон қилди.
У клуб билан “узоқ муддатли шартнома” тузди. Футболчи аллақачон ишлаш учун рухсатнома олган ва бу унга Премьер-лигада ўйнаш ҳуқуқини беради.
13 июнь куни “Бенфика” Нуньесни “Ливерпул”га 75 миллион еврога сотганини эълон қилди. Трансфер суммаси маълум шартларда 100 миллион еврогача кўтарилиши мумкин.
2021/22 йилги мавсумда Дарвин “Бенфика” сафида 41 та ўйинда майдонга тушиб, 34 та гол урди ва 4 та голли узатмани амалга оширди.