"Fiorentina" yarim himoyachisi Alfred Dankan yozda jamoani tark etishi mumkin, deya xabar beradi jurnalist Nikolo Skira.
Manbaga ko‘ra, "Monsa" 29 yoshli ganalik futbolchining transferi bo‘yicha muzokaralarni boshlagan.
2021/22 yilgi mavsumda Dankan "Fiorentina" tarkibida 37 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Transfermarkt.com portali futbolchining narxini 8,5 million yevroga baholamoqda.
2021/22 yilgi mavsum yakunida "Monsa" o‘z tarixida birinchi marta A Seriyaga chiqdi.
