Mundo Deportivo xabariga ko‘ra, darvozabon David Ospina "Napoli"dan "Atletiko"ga o‘tishi mumkin.
"Napoli" murabbiylar shtabi Ospinaga emas, boshqa darvozabon Aleks Meretga ishonch bildirmoqchi. Klub 25 yoshli italiyalik futbolchiga 2027 yilgacha yangi shartnoma taklif qilishga tayyor.
Shu sababdan 33 yoshli kolumbiyalik o‘ziga yangi klub izlay boshladi. Darvozabonning neapolliklar klubi bilan shartnomasi yakuniga yetadi.
Ospina joriy mavsumda barcha turnirlarda 33 ta o‘yinda maydonga tushib, 28 ta gol o‘tkazib yubordi va 13 ta bahsda o‘z darvozasi daxlsizligini saqlab qoldi.