Mundo Deportivo хабарига кўра, дарвозабон Давид Оспина "Наполи"дан "Атлетико"га ўтиши мумкин.
"Наполи" мураббийлар штаби Оспинага эмас, бошқа дарвозабон Алекс Меретга ишонч билдирмоқчи. Клуб 25 ёшли италиялик футболчига 2027 йилгача янги шартнома таклиф қилишга тайёр.
Шу сабабдан 33 ёшли колумбиялик ўзига янги клуб излай бошлади. Дарвозабоннинг неаполликлар клуби билан шартномаси якунига етади.
Оспина жорий мавсумда барча турнирларда 33 та ўйинда майдонга тушиб, 28 та гол ўтказиб юборди ва 13 та баҳсда ўз дарвозаси дахлсизлигини сақлаб қолди.
