"Vest Xem" hujumchi Adnan Yanuzayga qiziqish bildirmoqda, deb xabar beradi The Mirror.
Manbaga ko‘ra, "bolg‘achilar" bosh murabbiyi Devid Moyes 27 yoshli belgiyalik futbolchi bilan ishlashga qiziqmoqda.
Yanuzay 2021/22 yilgi mavsum oxirida erkin agentga aylandi, "Real Sosyedad" hujumchi bilan shartnomani uzaytirmadi.
O‘tgan mavsumda belgiyalik futbolchi ispan jamoasi safida 44 ta o‘yinda maydonga tushib, 5 ta gol urdi va 3 ta golga assistentlik qildi.













