"Atletiko" safida ijara asosida harakat qilayotgan “Barselona” klubi hujumchisi Antuan Grizmann "Atletik Bilbao" jamoasi bilan shartnoma imzolashi mumkin, deya xabar berdi AS.

Manbaga ko‘ra, bilbaoliklar murabbiylik postiga qaytishga yaqin turgan Marselo Byelsa Grizmanni jamoada ko‘rmoqchi.

Fransiyalik futbolchi ayni damda Madridning “Atletiko” klubida ijara asosida o‘ynamoqda. Madrid klubi futbolchining transferini 40 million yevroga sotib olish huquqiga ega.

U o‘tgan mavsumda "matraschilar" safida barcha turnirlarda 39 ta o‘yinda maydonga tushib, 8 ta gol urdi va 7 ta golli uzatmani amalga oshirdi. Uning "Barselona" bilan shartnomasi 2024 yilning yoziga qadar mo‘ljallangan.