Yarim himoyachi Xuan Mata Saudiya Arabistoni klubiga o‘tishdan bosh tortdi, deb xabar beradi Goal.
"Al-Hilol" futbolchiga yiliga 10 million yevro maosh bilan shartnoma taklif qildi. Biroq 34 yoshli ispaniyalik futbolchi faoliyatini Yevropada davom ettirmoqchi bo‘lgani uchun bu taklifni qabul qilmadi.
Avvalroq, "Manchester Yunayted" Mataning iyun oyi oxirida tugaydigan shartnomasi uzaytirilmasligini ma’lum qilgandi. Xuan klubda sakkiz yarim yillik faoliyatdan so‘ng "Old Trafford"ni tark etadi.