Ярим ҳимоячи Хуан Мата Саудия Арабистони клубига ўтишдан бош тортди, деб хабар беради Goal.
"Ал-Ҳилол" футболчига йилига 10 миллион евро маош билан шартнома таклиф қилди. Бироқ 34 ёшли испаниялик футболчи фаолиятини Европада давом эттирмоқчи бўлгани учун бу таклифни қабул қилмади.
Аввалроқ, "Манчестер Юнайтед" Матанинг июнь ойи охирида тугайдиган шартномаси узайтирилмаслигини маълум қилганди. Хуан клубда саккиз ярим йиллик фаолиятдан сўнг "Олд Траффорд"ни тарк этади.