Londonning "Chelsi" jamoasi o‘z tarbiyalanuvchisi Deklan Raysni "Vest Xem"dan qaytarishga shoshilmayapti. Jurnalist Nizar Kinsella fikriga ko‘ra, "ko‘klar" "bolg‘achilar" sardori bilan shartnoma imzolash uchun kelasi yozgacha kutishlari mumkin.
Gap shundaki, “Vest Xem” hozirda Rays uchun 160 million yevro so‘ramoqda. Angliyalik futbolchining klub bilan shartnomasi 2024 yilning yozida tugaydi, shuning uchun kelasi yozda "bolg‘achilar" uni bir yildan keyin tekinga yo‘qotmaslik uchun arzonlashtirilgan narxda sotishga majbur bo‘lishadi.
Raysga "Manchester Yunayted" va "Manchester Siti" ham qiziqish bildirmoqda. Manbaga ko‘ra, Deklanning o‘zi "Chelsi"ga qaytishni xohlaydi.