Лондоннинг "Челси" жамоаси ўз тарбияланувчиси Деклан Райсни "Вест Хэм"дан қайтаришга шошилмаяпти. Журналист Низар Кинселла фикрига кўра, "кўклар" "болғачилар" сардори билан шартнома имзолаш учун келаси ёзгача кутишлари мумкин.
Гап шундаки, “Вест Хэм” ҳозирда Райс учун 160 миллион евро сўрамоқда. Англиялик футболчининг клуб билан шартномаси 2024 йилнинг ёзида тугайди, шунинг учун келаси ёзда "болғачилар" уни бир йилдан кейин текинга йўқотмаслик учун арзонлаштирилган нархда сотишга мажбур бўлишади.
Райсга "Манчестер Юнайтед" ва "Манчестер Сити" ҳам қизиқиш билдирмоқда. Манбага кўра, Декланнинг ўзи "Челси"га қайтишни хоҳлайди.