"Boka Xuniors" vise-prezidenti Xuan Rikelme klub hujumchi Edinson Kavani va yarim himoyachi Arturo Vidalga qiziqish bildirayotganini aytdi. Hozirda ikkala futbolchi ham erkin agent sanaladi.
"Vidal "Boka"da o‘ynash uchun tug‘ilgan. Unga maosh to‘lay olamizmi, bu boshqa gap. Xuddi shu narsa Kavaniga ham tegishli - u bizga o‘ynash uchun tug‘ilgan.
Bu ikki yulduz - yuqori saviyadagi futbolchilar. Siz har doim jamoada shunday o‘yinchilar bo‘lishini orzu qilasiz, ammo haqiqat bundan ham murakkabroq”, - deya Rikelmening so‘zlaridan iqtibos keltiradi ESPN Argentina.
35 yoshli Kavani 2020 yilning kuzidan 2022 yilning bahorigacha "Manchester Yunayted"da o‘ynagan. U o‘tgan mavsumda "qizil iblislar" safida 20ta o‘yinda maydonga tushib, 2ta gol urgan.
35 yoshli Vidal so‘nggi 2 yil davomida "Inter" safida o‘ynab, o‘tgan mavsumda barcha turnirlarda 41 ta o‘yinda maydonga tushib, 2 ta gol va 4 ta golli uzatmani amalga oshirdi.