"Lill" yarim himoyachisi Renatu Sanshesh faoliyatini "PSJ"da davom ettirishi mumkin. RMC Sport xabariga ko‘ra, Parij klubi 24 yoshli portugaliyalik futbolchini "Milan"dan avval qo‘lga kiritmoqchi.
Italiya klubi futbolchi borasida anchadan beri muzokaralar olib borgan, biroq kelishuv hali rasmiylashtirilmagan.
Oldinroq Sanshesh milanliklar bilan yiliga 3 million yevro maosh bilan 4 yillik shartnoma imzolashi haqida xabarlar tarqalgan edi.
Portugaliyalik futbolchi o‘tgan mavsumda “Lill” safida barcha musobaqalarda 32 ta o‘yinda maydonga tushib, 2 ta gol urdi va 5 ta golli uzatmani amalga oshirdi. Yarim himoyachining klub bilan shartnomasi 2023 yilning 30 iyuniga qadar mo‘ljallangan.