"Лилль" ярим ҳимоячиси Ренату Саншеш фаолиятини "ПСЖ"да давом эттириши мумкин. RMC Sport хабарига кўра, Париж клуби 24 ёшли португалиялик футболчини "Милан"дан аввал қўлга киритмоқчи.
Италия клуби футболчи борасида анчадан бери музокаралар олиб борган, бироқ келишув ҳали расмийлаштирилмаган.
Олдинроқ Саншеш миланликлар билан йилига 3 миллион евро маош билан 4 йиллик шартнома имзолаши ҳақида хабарлар тарқалган эди.
Португалиялик футболчи ўтган мавсумда “Лилль” сафида барча мусобақаларда 32 та ўйинда майдонга тушиб, 2 та гол урди ва 5 та голли узатмани амалга оширди. Ярим ҳимоячининг клуб билан шартномаси 2023 йилнинг 30 июнига қадар мўлжалланган.