"Arsenal"ning urugvaylik yarim himoyachisi Lukas Torreyra yozda "kanonirlar" lagerini tark etadi, chunki u ingliz klubining kelajakdagi rejalariga kirmaydi.

26 yoshli futbolchi Italiyada o‘ynashni davom ettirmoqchi. Torreyra o‘tgan mavsumda "Fiorentina"da ijara asosida o‘ynagandi. Bu haqda jurnalist Nikolo Skira o‘zining Twitter sahifasida xabar berdi.

Manba bergan xabarga ko‘ra, urugvaylik futbolchiga hozirda "Monsa", shuningdek, "Roma" tomonidan qiziqish mavjud.

Lukas Torreyraning "Arsenal" bilan shartnomasi 2023 yilning yoziga qadar amal qiladi.

Avvalroq, "Fiorentina" urugvaylik futbolchini 15 million yevroga sotib olish variantini faollashtirishdan bosh tortgandi.