"Арсенал"нинг уругвайлик ярим ҳимоячиси Лукас Торрейра ёзда "канонирлар" лагерини тарк этади, чунки у инглиз клубининг келажакдаги режаларига кирмайди.
26 ёшли футболчи Италияда ўйнашни давом эттирмоқчи. Торрейра ўтган мавсумда "Фиорентина"да ижара асосида ўйнаганди. Бу ҳақда журналист Николо Скира ўзининг Twitter саҳифасида хабар берди.
Манба берган хабарга кўра, уругвайлик футболчига ҳозирда "Монца", шунингдек, "Рома" томонидан қизиқиш мавжуд.
Лукас Торрейранинг "Арсенал" билан шартномаси 2023 йилнинг ёзига қадар амал қилади.
Аввалроқ, "Фиорентина" уругвайлик футболчини 15 миллион еврога сотиб олиш вариантини фаоллаштиришдан бош тортганди.