Fransiyaning “Nissa” klubi Germaniyaning “Shalke” klubi bilan o‘tgan mavsumni Angliyaning “Norvich” jamoasida ijara asosida o‘tkazgan himoyachi Ozan Kabakning transferi bo‘yicha muzokara olib bormoqda. Bu haqda jurnalist Ekrem Konur xabar berdi.
Eslatib o‘tamiz, 22 yoshli Kabak 2019 yilda Gelzenkirxen klubiga "Shtutgart"dan ko‘chib o‘tgandi. Oradan bir yarim yil o‘tib turkiyalik futbolchi 2020/2021 yilgi mavsumning ikkinchi qismi uchun "Liverpul" tomonidan ijaraga olingan. Mersisaydliklar safida Ozan 13 uchrashuvda 4 ta sariq kartochka ishlab oldi.
O‘tgan mavsumda "Norvich" uchun Kabak 12 uchrashuvda gol ura olmadi. Turkiyalik himoyachining “Shalke” bilan shartnomasi ikki mavsumdan keyin tugaydi.